काठमाडौं- बिहीबार सुनचाँदीको मूल्यमा वृद्धि भएको छ। सुनको मूल्य प्रतितोला एक हजार दुईसय र चाँदीको मूल्य प्रतितोला २५ रूपैयाँले बढेको नेपाल सुनचाँदी व्यवसायी महासंघले जनाएको छ।
महासंघका अनुसार बिहीबार छापावाल सुनको मूल्य प्रतितोला एक लाख ९ हजार र तेजाबी सुनको मूल्य प्रतितोला एक लाख ८ हजार पाँचसय रूपैयाँ कायम छ। चाँदीको मूल्य आज प्रतितोला एक हजार ३ सय ६० रूपैयाँ तोकिएको महासंघले जनाएको छ।
बुधबार सुनको मूल्य दुई हजार रूपैयाँले घटेको थियो। बुधबार छापावाल सुनको मूल्य एक लाख ७ हजार ८ सय र तेजाबी सुनको मूल्य प्रतितोला एक लाख ७ हजार ३ सय रूपैयाँ कायम थियो।
चाँदी बुधबार प्रतितोला एक हजार ३ सय ३५ रूपैयाँमा कारोबार भएको थियो।
