काठमाडौं- बैंक तथा वित्तीय संस्थाहरूले परिवर्त्य विदेशी मुद्राको विनिमय दर तोक्दा खरिद र बिक्री मूल्यबीचको अन्तरको क्याप पालना गर्नुपर्ने भएको छ।
नेपाल राष्ट्र बैंकले विदेशी मुद्राको दररेट तोक्दा खरिद र बिक्री मूल्यबीचमा निश्चित रकम वा प्रतिशभन्दा बढी तोक्न नपाइने व्यवस्था गरेको छ।
यसमा परिवर्त्य विदेशी मुद्राको खरिद र बिक्री मूल्यबीचमा १ प्रतिशतभन्दा मुनीको अन्तर हुनुपर्ने छ। अर्थात् न्यूनतम खरिद मूल्यको तुलनामा बिक्री मूल्य १ प्रतिशतभन्दा बढी राख्न नपाइने भएको छ।
तर अमेरिकी डलरको हकमा भने ६० पैसाभन्दा धेरै नहुने भएको छ। खरिद मूल्यको तुलनामा बिक्री मूल्य ६० पैसाभन्दा बढी राख्न नपाइने भएको छ।
