काठमाडौं- चालु आर्थिक वर्ष २०७९/०८० को ८ महिना (साउन-फागुन) मा रोजगारीका लागि ५ लाख ४० हजार ६ सय ७५ जना नेपाली विदेशिएका छन्।
वैदेशिक रोजगार विभागका अनुसार नयाँ कामका लागि म्यानपावरमार्फत वैदेशिक रोजगारीमा जानेको संख्या २ लाख ९४ हजार ४ सय ४१ रहेको छ। यसबाहेकको अन्य संख्या बिदामा नेपाल आएर पुन: विदेश फर्कनेको हो।
फागुन महिनामा मात्रै ६१ हजार ८ सय ४५ जना नेपाली रोजगारीका लागि विदेशिएको विभागले जनाएको छ। रोजगारीका लागि युवाको रोजाइमा सबैभन्दा बढी मलेसिया परेको विभागले जनाएको छ।
कुन महिना कति बाहिरिए?
चालु आवको साउनमा साउनमा ६३ हजार ३९ जना नेपाली रोजगारीका लागि विदेशिएका छन्।
विभागका अनुसार भदौमा ७६ हजार ४ सय ३, असोजमा ६२ हजार ७ सय ६, कात्तिकमा ७८ हजार ३ सय ७०, मंसिरमा ६८ हजार ५ सय ६४, पुसमा ६५ हजार ४ सय ६४ जना नेपाली वैदेशिक राेजगारीका लागि बाहिरएका छन्।
यस्तै माघ महिनामा वैदेशिक राेजगारीका लागि विदेशिनेको संख्या ६४ हजार २ सय ८४ छ।