 (2).gif)
काठमाडौं- नक्कली नोटको कारोबारमा संलग्न रहेको अभियोगमा दुईजना पक्राउ परेका छन्।
काठमाडौंको माकलबारी बस्ने रामेछापका ३४ वर्षीय छिरिङ लामा र सतुंगल बस्ने दोलखाका २४ वर्षीय सुरेन्द्र कार्कीलाई बुधबार साँझ काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरी टोलीले पक्राउ गरेको हो।
काठमाडौं कालोपुल क्षेत्रमा विभिन्न व्यक्तिहरूले नेपाली खोटा मुद्रा चलन चल्तीमा ल्याउन लागेको भन्ने विशेष सूचनाको आधारमा प्रहरीले अनुसन्धान अघि बढाएको थियो। १ हजार दरको नक्कली नोट ६ सय ३६ थान र नोटको साईजमा काटेको कागजको बण्डल ९ थानसहित उनीहरुलाई कालोपुलबाट पक्राउ गरेको हो ।
उनीहरूलाई थप अनुसन्धान एवं कारबाहीका लागि जिल्ला प्रहरी परिसर टेकु काठमाडौं पठाइएको प्रहरीले जनाएको छ।
