काठमाडौं- लघुवित्त संस्थाहरूले राष्ट्र बैंकको नियामकीय निर्देशन पालना गरिरहेको पाइएको छ। नेपाल राष्ट्र बैंकको पछिल्लो सुपरिवेक्षणमा सबै संस्थाहरूले निर्देशन पालना गरेको पाइएको हो।

राष्ट्र बैंकले २०७९ को पुससम्मको वित्तीय विवरणका आधारमा गरेको सुपरिवेक्षणमा यस्ता संस्थाहरूले नियामकीय निर्देशनअनुसार नै काम गरेको देखिएको छ। 

सुपरिवेक्षण प्रतिवेदनमा पछिल्लो एउटा लघुवित्तलाई मात्र समस्याग्रस्त घोषणा गरेर नियन्त्रणमा लिइएको उल्लेख छ। यस बाहेकका सबै संस्थाले ऐन नियम तथा निर्देशनअनुसार सेवा दिइरहेको पाइएको उल्लेख गरिएको छ। 

अहिले नेपालमा कुल ६४ वटा लघुवित्त संस्था रहेका छन्। यसमा ४६ वटा राष्ट्रियस्तरका छन् भने जिल्ला तथा क्षेत्रीयस्तरका ५ वटा रहेका छन्। प्रदेशस्तरका संस्थाको संख्या १३ रहेको छ। 

लघुवित्तिका कुल ५ हजार ७९ शाखा छन् भने ७७ जिल्लामै यी संस्था पुगेका छन्। लघुवित्तका कुल १ हजार ३८१ समूह छन्।