काठमाडौं- वर्षाका कारणले गर्दा विराटनगर विमानस्थल जलमग्न भएपछि बुधबारदेखि रोकिएको उडान भोलिदेखिमात्र खुल्ने भएको छ। 

नेपाल नागरिक उड्डयन प्राधिकरणले शनिबारदेखि भिएफआर माध्यमबाट उडान सञ्चालन हुने जानकारी दिएको छ। 

वर्षाका कारण विमानस्थलभित्र पानी पसेपछि बुधबारदेखि विमानस्थल बन्द रहेको छ। 

विराटनगर विमानस्थल बन्द भएपछि एयरलाइन्सहरुले भद्रपुर र जनकपुर उडान संख्या बढाएका छन्।