काठमाडौं- निजी हवाई सेवा प्रदाक कम्पनीहरुको छाता संगठन वायुसेवा सञ्चालक संघले नेपालगञ्ज विमानस्थल र सुर्खेत विमानस्थलबाट हुम्लाको सिमिकोट खाद्य बस्तु ढुवानीका लागि भएको टेन्डरमा सेटिङ भएको भन्दै विरोध गरेको छ।
खाद्य व्यवस्था तथा व्यापार कम्पनी लिमिटेडले साउन १५ गते खाद्य बस्तु ढुवानीका लागि गरेको टेन्डरमा हवाई सेवा प्रदायक कम्पनीहरुलाई नै प्रतिबन्ध गर्ने गरी सेटिङ भएको संघको भनाइ छ।
हवाई सेवा प्रदायक कम्पनीहरु मूल्य अभिवृद्धि करमा दर्ता हुन नपर्ने व्यवस्था भए पनि कम्पनीले गरेको टेन्डरमा हवाई सेवा प्रदायक कम्पनीहरुलाई प्रतिबन्ध लगाउँदै विचौलिया मार्फत काम गर्न खोजेको संघले जारी गरेको विज्ञप्तीमा छ।
मूल्य अभिवृद्धि कर दर्ता नै हुन नपर्ने हवाई सेवा प्रदायक कम्पनीहरुले मात्रै दिने सक्ने सेवामा पनि विचौलिय मार्फत काम गर्न खोजेर हवाई सेवा प्रदायक कम्पनी प्रतिबन्ध गर्न खोजेको संघको तर्क छ।
उक्त व्यवस्था परिर्वतन नभए कानुनी उपचारमा जाने संघको भनाइ छ।
