काठमाडौं। सरकारले चालु आर्थिक वर्ष २०७९/८० को लागि गहुँको न्यूनतम समर्थन मूल्य तोकेको छ। 

बिहीबार बसेको मन्त्रिपरिषद्को बैठकले चालु आवका लागि गहुँको न्यूनतम समर्थन मूल्य प्रतिक्विन्टल ३ हजार ३ सय ५१ तोक्ने निर्णय गरेको हो। 

गत आर्थिक वर्ष २०७८/७९ को तुलनामा चालु आवको गहुँको समर्थन मूल्य प्रतिक्विन्टल १८६ रुपैयाँले बढेको हो। 

गत आवमा गहुँको समर्थन मूल्य प्रतिक्विन्टल ३ हजार एक सय ६५ तोकिएको थियो।