काठमाडौं- नेपाल वायु सेवा निगमले चार देशको उडानमा जाने चालक दलका सदस्यहरुले आराम गर्ने होटल रुममा सम्झौताका लागि एकै पटकमा टेन्डर गरेको छ।

निगमले जहाज उडान गरेर जाने पाइलट/कोपाइलट तथा एयरहोस्टेसका लागि भन्दै रुम लिन लागेको हो। निगमले कतारको दोहा, यूएईको दुबई, मलेसियाको क्वालालम्पुर र जापानको नारितामा पाँच तारे होटलका लागि टेन्डर गरेको हो।

एक वर्षका लागि पाँच तारे होटलको रुम लिन लागेको हो। जसमा दोहामा ४ वटा सिंगल र ३ वटा डबल बेडको रुमका लागि टेन्डर गरेको हो।

यसैगरी दुबईमा पनि ४ वटा सिंगल र ३ वटा डबल बेडको रुम, मलेसियामा  ४ वटा सिंगल र एक वटा डबल बेडको रुम र जापानको लागि  ४ वटा सिंगल र ३ वटा डबल बेडको रुम लिने गरी निगमले टेन्डर गरेको हो।