काठमाडौं- चाँदी आयात अनियन्त्रित भएपछि सरकारले भन्सार बढाएको छ। अर्थ मन्त्रालय स्रोतका अनुसार असोज १९ गतेबाट लागू हुने गरी चाँदीको भन्सार दरमा परिवर्तन गरिएको हो।
बिजनेस न्यूजलाई प्राप्त जानकारी अनुसार प्रति १० ग्राम चाँदीमा लाग्दै आएको भन्सारमा २२ रूपैयाँले बढाइएको छ। यसअघि प्रति १० ग्राम चाँदीमा ८५ रूपैयाँ भन्सार रहेकोमा अब त्यसलाई बढाएर १०७ रूपैयाँ पुर्याइएको छ।
.gif)
'चाँदीको आयात अनियन्त्रित हुने अवस्था आयो, कोटा नतोकिएका कारण उच्च आयात भएपछि भन्सार परिवर्तन गरिएको हो,' अर्थ मन्त्रालय स्रोतले भन्यो, 'अब भारत बराबर भन्सार दर तोकिएको छ।'
.gif)
.jpg)
चालु आर्थिक वर्षको पहिलो २ महिनामा ६९ हजार १ सय ५२ किलो चाँदी आयात भएको छ। नेपालमा मात्रै यतिको परिमाणमा चाँदी खपत नहुने भन्दै अर्थ मन्त्रालयले गलत बाटोबाट निकासी भएको अनुमानका आधारमा भन्सार बढाएको हो।
