.jpg)
.jpg)
.gif)
.gif)
काठमाडौं- साढे २ अर्ब रुपैयाँको लागतमा निर्माण हुन लागेको विराटनगर विमानस्थलको सुविधा सम्पन्न टर्मिनल भवनको शिलान्यास भएको छ। संस्कृति, पर्यटन तथा नागरिक उड्डयनमन्त्री सुदन किरातीले टर्मिलन भवनको शिलान्यास गरेका हुन्।
.gif)
योसँगै विराटनगर विमानस्थलको स्तरोन्नतिको काम सुरु भएको छ। विमानस्थलमा टर्मिनल भवन निर्माणका लागि नेपाल नागरिक उड्डयन प्राधिकरण विराटनगर विमानस्थल उड्डयन कार्यालयले कम्पनीसमेत छनोट गरिसकेको छ।
.gif)
.gif)
टर्मिनल भवनको लागत करबाहेक २ अर्ब ४२ करोड ८ लाख ५६ हजार रुपैयाँ रहेको छ। निर्माणको जिम्मा केसी/डाँफे जेभीले पाएको छ। टर्मिलन भवन १८ सय यात्रु क्षमताको हुनेछ। १६ हजार २ सय ७७ वर्गमिटरमा टर्मिनल भवन बन्ने छ।
टर्मिनल भवनमा १७ वटा टिकट काउन्टर, २४ वटा पसल, ४ वटा रेष्टुरेन्ट, पत्रकार सम्मेलन कक्ष, ३ वटा भीआईपी कक्ष, बालबालिका खेल्ने, प्राथना कक्ष, स्तनपान कक्ष, ४ वटा प्राइभेट कक्ष, हल लगायतको सुविधा सम्पन्न संरचना बन्ने छ।
