काठमाडौं- चालु आर्थिक वर्ष २०७९/०८० को ६ महिना (साउन-पुस) मा वैदेशिक रोजगारीका लागि ४ लाख १४ हजार ५ सय ४६ जना बाहिरिएका छन्।
यो संख्या नयाँ काममा लागि म्यानपावरमार्फत, व्यक्तिगत भिसा र पुन: बिदामा नेपाल आएर फर्कने सबैको हो।
वैदेशिक रोगजार विभागका अनुसार नयाँ कामका लागि म्यानपावरमार्फत वैदेशिक रोजगारीमा जानेको संख्या २ लाख ३२ हजार ९ सय ३६ रहेको छ। यसबाहेको अन्य संख्या चाहिँ बिदामा नेपाल आइ पुन: विदेश जानेको संख्या हो।
विभागका अनुसार नयाँ काममा लागि सबैभन्दा बढी युवाको रोजाइमा मलेसिया परेको छ। नयाँ काममा लागि म्यानपावरमार्फत १ लाख ४२ हजार ३ सय २ जना मलेसिया पुगेका छन्।
म्यानपावरमार्फत नयाँ कामका लागि मलेसिया जानेको संख्या महिनागत रुपमा
पुस- १६ हजार सय २९
मंसिर- २० हजार ३ सय ८८
कात्तिक- २५ हजार ३ सय ४०
असोज- २४ हजार ४ सय ८१
भदौ- ३३ हजार ३
साउन- २२ हजार ३ सय ६१
कुन महिना कति बाहिरिए?
पुस- ६५ हजार ४ सय ६४
मंसिर- ६८ हजार ५ सय ६४
कात्तिक- ७८ हजार ३ सय ७०
असोज- ६२ हजार ७ सय ६
भदौ- ७६ हजार ४ सय ३
साउन- ६३ हजार ३९