काठमाडौं- श्रम, रोजगार तथा सामाजिक सुरक्षा मन्त्रालयले श्रमिक तथा रोजगारदातालाई सहज हुने गरी सातै प्रदेशमा रोजगार मेला गर्ने भएको छ।
श्रममन्त्री डोलप्रसाद अर्यालले श्रमिक र रोजगारदाताको बीच पुलको काम गर्नेगरी सातै प्रदेशमा रोजगार मेला आयोजना गर्ने तयारी भएको बताए।
यसबाट रोजगारदाताले आफूलाई चाहिने श्रमिक खोज्ने र श्रमिकले आफूले गर्नसक्ने काम खोज्ने थलो बनाउने गरी मेलाको तयारी भएको उनले बताए।
साथै मन्त्रालयले रोजगार बैंक पनि सञ्चालनमा ल्याउने उनले जानकारी दिए। रोजगार बैंकमा रोजगारदाताले आफूलाई चाहिएको श्रमिक खोज्ने र श्रमिकले पनि काम खोज्नसक्ने उनले बताए।