काठमाडौं- नेपाल सुनचाँदी रत्न तथा आभूषण महासंघका अध्यक्ष रमेश महर्जनको निधन भएको छ ।
कोरोना भाइरसको संक्रमण भएपछि एक हप्ताअघि अस्पताल भर्ना भएका महर्जनको ५६ वर्षको उमेरमा निधन भएको हो।
ललितपुरको मेडिसिटी अस्पतालनमा उपचारको क्रममा उनको निधन भएको हो।
महर्जनका श्रीमती, एक छोरा र दुई छोरी छन्। पछिल्लो समय राजनीतिमा पनि सक्रिय महर्जन २०७४ को स्थानीय तहको निर्वाचनमा ललितपुर महानगरको मेयरमा उठेका थिए। विवेकशील साझा पार्टीकासँग उनी आवद्ध थिए।
