काठमाडौं- आन्तरिक हवाई यात्रुको संख्यामा नयाँ रेकर्ड कायम भएको छ। सन् २०२२ मा नेपालकै इतिहासमा सबैभन्दा बढी यात्रुले आन्तरिक हवाई यात्रा गरेका छन्।
त्रिभुवन अन्तर्राष्ट्रिय विमानस्थल कार्यालयका अनुसार २०२२ मा ४४ लाख ६६ हजार १ सय ५२ जना यात्रुले आन्तरिक हवाई यात्रा गरेका छन्। कार्यालयका अनुसार सन् २०२२ मा १ लाख ८ हजार २ सय २ वटा उडान तथा अवतरण भएको समेत जनाएको छ।
जुन संख्या सन् २०२१ को भन्दा ९ लाख ५४ हजार ४ सय ३४ ले बढी हो। सन् २०२१ मा ३५ लाख ९ हजार ७ सय १८ जनाले आन्तरिक हवाई यात्रा गरेका थिए। सन् २०२१ को तुलनामा सन् २०२२मा आन्तरिक हवाई यात्रुको संख्या २१ प्रतिशतले बढेको हो।
२०१९ सम्म निरन्तर रुपमा बढीरहेको आन्तरिक हवाई यात्रुको संख्या २०२० मा भने ब्रेक लागेको थियो। २०२० मा कोरोनाका हवाई लामो समयसम्म हवाई उडान नै ठप्प भएको थियो।
२०२० मा जम्ममा १४ लाख ५७ हजार ५ सय ३९ जनाले मात्रै आन्तरिक हवाई यात्रा गरेका थिए। तर २०१९ मा भने आन्तरिक हवाई यात्रु ३१ लाख ८८ हजार ४ सय ७९ पुगेको थियो।
२०२० को महिनागत यात्रु र उडान तथा अवतरण
