काठमाडौं- नेपाल टेलिकमले आर्थिक वर्ष २०७८/०७९ को मुनाफबाट सेयर धनीलाई वितरण गर्ने लाभांश पारित गरेको छ।
कम्पनीको १५ औँ वार्षिक साधारण सभाले २०७८/०७९ को मुनाफबाट प्रतिसेयर ४० रुपैयाँ नगद लाभांश दिने प्रस्ताव पारित गरेको हो। यसको अर्थ एकसय कित्ता सेयर हुनेले ४ हजार नगद लाभांश पाउने छन्।
आर्थिक वर्ष २०७८/७९मा आन्तरिक तथा बाह्य वातावरणमा देखिएका विविध प्रतिकुलताका बीच कम्पनीले कुल ४४ अर्ब ३७ करोड राजश्व आम्दानी गरी ८ अर्ब ४७ करोड खुद नाफा गरेको थियो। यो नाफा गत वर्षको भन्दा १ अर्ब ३५ करोड रुपैयाँले बढी हो।
