काठमाडौं- हवाई उडान गर्ने एयरलाइन्सले निर्धारित समयमै उडान गर्नु र नगर्नुमा एयरलाइन्स आफ्नैमात्र भन्दा अरु कारक पनि मुख्य हुन्छन्। तर पनि बाह्य कारकलाई व्यवस्थापन गर्दै समयमै उडान गर्ने एयरलाइन्स पनि हुन्छन्।
समयको व्यवस्थापनमा अब्बल मानिएका यस्ता एयरलाइन्सको प्रत्येक वर्ष रेटिङ हुन्छ। कोरोना महामारीको प्रभावबाट बाहिर आएर हवाई उडान सामान्य भएपछि सन् २०२२ मा गरिएको सर्वेक्षणमा इन्डोनेसियाको गरुडा एयरलाइन्स एक नम्बरमा रहेको छ।
ट्राभल डेटा विश्लेषक ओएजीका अनुसार गरुडाले ९५.६३ प्रतिशत उडान समयमै गरेको छ। यद्यपि यो एयरलाइन्सको कूल उडान कोरोना महामारी अघिको तुलनामा न्यून छ।
यो सूचीमा दक्षिण अफ्रिकाको साफाएयर दोस्रो र जर्मनीको युरोविंग तेस्रो स्थानमा छ।
यो सूचीको चौथो स्थानमा थाइएयर एसिया छ। पाँचौमा जेजु एयरलाइन्स, त्यसपछि छ देखि दससम्म क्रमश: अल निप्पोन एयरवेज जापान एयरलाइन्स , कोपा एयरलाइन्स, आईवेरिया र लाटिम एइयरलाइन्स रहेका छन्।
