काठमाडौं- सन् २०२२ मा ६ लाख विदेशीले नेपाल भ्रमण गरेका छन्।
नेपाल पर्यटन बोर्डले दिएको जानकारी अनुसार सन् २०२२ को जनवरीदेखि डिसेम्मबरसम्म हवाइ मार्गबाट ६ लाख १४ हजार विदेशी पर्यटकले नेपाल भ्रमण गरेका छन्।
कोरोना महामारीपछि गएको वर्ष पर्यटनमा सुधार देखिएको छ। सन् २०१९ मा ११ लाख पर्यटक नेपाल आएका थिए। त्यसपछिका २ वर्ष कोरोना महामारीका कारण पर्यटक आगमन खस्किएको थियो। सन् २०२० मा २ लाख ३० हजार आएका थिए भने २०२१ मा १ लाख ४९ हजार मात्र विदेशी आएका थिए।
सन् २०२२ मा कोरोना महामारीअघिको तुलनामा ६० प्रतिशत पर्यटक नेपाल भित्रिएका छन्।
उत्तरको छिमेकी चीनबाट पर्यटक नआउँदा पनि सन् २०२२ मा ६ लाख पर्यटक पुग्नु सकारात्मक भएको व्यवसयीहरूले बताएका छन्। चीनले कोरोना महामारीकालीन नियम खुकुलो नबाउँदा चिनियाँहरू आएका थिएनन्।
सन् २०२२ मा नेपालमा सबैभन्दा धेरै भारतीय आएका छन् २ लाख ९ हजार १०५ भारतीयले यात्रा गरेका थिए। त्यस्तै दोस्रो धेरै आउनेमा अमेरिकन रहेका छन्। गएको वर्ष ७७ हजार ९ जना अमेरिकनले नेपालमा यात्रा गरेका थिए।
सयुक्त अधिकाराज्य बेलायतबाट ४४ हजार ७८१, अष्ट्रेलियाबाट २६ हजार ८७४ र २५ हजार ३८४ बंगलादेशी नागरिकले नेपाल यात्रा गरेका थिए।
