काठमाडौं- शौर्य सिमेन्टले स्थापनाको पहिलो पूर्ण वर्षमा ७ अर्ब ४३ करोड रुपैयाँ आम्दानी गरेको छ।
तीन ठूला व्यावसायिक घरानाको लगानीमा स्थापना भएको यो सिमेन्ट उद्योगले गएको आर्थिक वर्षमा करिब साढे सात अर्बको आम्दानी गरेको हो। इन्फोमेरिक्सले गरेको क्रेडिट रेटिङमा उल्लेखित विवरण अनुसार उद्योगले स्थापनाको वर्ष भने २ अर्ब ६३ करोड आम्दानी गरेको थियो।
आर्थिक वर्ष २०७७/७८ को मध्यतिरबाट उत्पादन सुरु गरेको उद्योगको क्षमता ३ हजार टन रहेको छ। शंकर, अम्बे तथा हुलास समूहको लगानीमा खुलेको यो उद्योगका देशभर ८० वितरणक तथा १८ सय डिलर रहेका छन्।
उद्योगले विभिन्न शीर्षकमा ऋण लिनका लागि रेटिङ गराएको छ। कूल १५ अर्ब ऋण लिनका लागि रेटिङ गराएको छ। रेटिङ एजेन्सीले यसलाई दीर्घकालीन ऋणका लागि ट्रिपल बी माइनस र अल्पकालीन ऋणका लागि ए थ्री रेटिङ दिएको छ।
