काठमाडौं- प्रधानमन्त्री पुष्पकमल दाहालले अर्थतन्त्रको पुनरुत्थान आफ्नो पहिलो प्राथमिकता रहेको बताएका छन्।
नेपाल उद्योग वाणिज्य महासंघको प्रतिनिधिमण्डलसँगको भेटमा दाहालले आर्थिक समस्याका बारेमा आफू जानकार भएको र यसमै केन्द्रित हुने बताएका हुन्।
दाहालको निजी निवास खुमलटारमा भेट गरेका महासंघका पदाधिकारीहरूले आर्थिक अवस्था, उद्योग व्यवसायको अवस्थाका वारेमा जानकार भएको भन्दै समस्याका बारेमा स्मरण गराएका थिए।
महासंघ अध्यक्ष शेखर गोल्छाले उद्योग व्यवसाय संचालनमा सवैभन्दा बढी समस्याको रुपमा देखापरेको चालुपुँजी कर्जा मार्ग निर्देशन कम्तीमा दुई वर्ष स्थगन गर्नुपर्ने माग गरेका थिए।
प्रधानमन्त्री दाहालले अर्थतन्त्रको पुनरूत्थान आफ्नो पहिलो प्राथमिकता रहेको र मन्त्रिपरिषद्को पहिलो बैठकबाट यस सम्बन्धमा विशेष निर्णय समेत भैसकेको जानकारी गराएका थिए।
