काठमाडौं- मिश्रित चुनावी परिणामले नयाँ सरकार गठनमा अन्योल देखिइरहँदा सेयर बजारमा समेत प्रभाव देखिएको छ। जसका कारण उतारचढावमा रहेको बजार सोमबार ओरालोतिर लागेको छ।
आइतबार २.१६ अंकले बढेर १९६३.२२ बिन्दुमा पुगेको बजार सोमबार घटेको हो। सोमबार २४.४६ अंकले घटेर १९३८.७६ बिन्दुमा पुगेको छ। आइतबार १ अर्ब ६७ करोड रुपैयाँको कारोबार भएको छ।
पछिल्लो ६ महिनायता उतारचढावमा रहँदै उही बिन्दु वरपर घुमिरहेको बजारमा लगानीकर्ताहरू नयाँ सरकार गठनपछि हुने नीतिको पर्खाइमा देखिएको विश्लेषकहरू बताउँछन्।
