काठमाडौं- स्मार्टच्वाईस टेक्नोलोजिज(एससीटी) लिमिटेडद्वारा संचालित स्मार्ट क्युआरमा आवद्ध मर्चेन्टहरूलाई एम डबली मार्फत भुक्तानी गर्न सकिने भएको छ।
एम डबलीमा १ सय ७० भन्दा धेरै सहकारी जोडिएका छन्।
यसमा जोडिएका सहकारीका सदस्यले अबदेखि स्मार्ट क्युआरबाट भुक्तानी गर्न सक्ने भएका छन्।
भाट–भटेनी सुपर मार्केट, बीग मार्ट, एक्सप्रेस मार्ट, किराना, बीग डिजिटल लगाएतका १ लाख ६० हजारभन्दा धेरै मर्चेन्टहरु आवद्ध स्मार्ट क्युआर नेटवर्कमा हालसम्म बैंक तथा वालेटहरु मात्र आवद्ध रही आएकोमा अवदेखि एम डबली मार्फत सहकारीका सदस्यहरुले पनि यो सुबिधा पाउने भएका छन्।
