काठमाडौं- आइतबार साँझ सवा ९ बजेसम्म निर्वाचन आयोगको तथ्यांकअनुसार प्रतिनिधि सभाको अन्तर्गतको समानुपातिक तर्फ ९० लाख ९३ हजार ७ सय ६१ सदर मत गणना भएको छ। जसमा सबैभन्दा बढी मत नेकपा एमाले पाएको छ। एमालले २४ लाख ७८ हजार ५४४ मत पाएको छ।
यसैगरी कांग्रेसले २३ लाख ५६ हजार १९० मत पाएको छ। यता माओवादीलाई उछिन्दै रास्वपा तेस्रो स्थानमा उक्लिएको छ। रास्वपाले १० लाख ४८ लाख ९०३ मत पाउँदा माओवादीले १० लाख ३७ हजार २२७ मत पाएको छ। राप्रपाले ५ लाख ३७ हजार ८०१, जसपा ३ लाख ९ हजार ५८६ मत पाएको छ।
३ प्रतिशतको थ्रेसहोल्डमा लागि प्रतिस्पर्धा गरिरहेका जनमतले २ लाख ४३ हजार, समाजवादीले २ लाख ४१ हजार र नागरिक उन्मुक्तीले २ लाख ३३ हजार मत पाएका छन्। अहिलेसम्मको मतमा जनमतले २.६७ र समाजवादीले २.६७ प्रतिशत मात्रै भएको छ। अब १० लाखभन्दा कम सदर मत हुने सक्ने आकलन निर्वाचन आयोगको छ।
