काठमाडौं- नक्कली सुनका गरगहना धितोमा राखेर ऋण लिएका एकजना पक्राउ परेका छन्। नक्कली गहना राखी पोखरा महानगरपालिका-१७ विरौटामा रहेको राष्ट्रिय वाणिज्य बैंकबाट २४ लाख ५ हजार रुपैयाँ ऋण लिएका एकजना पक्राउ परेका हुन्।

ऋण लिएको लामो समयसम्म कर्जाको व्याज तथा साँवा बुझाउन नआएका कारण शंका लागि गहना चेक गर्दा कमसल सुन फेला परेको हो। 

धितो जाँचसँगै जिल्ला प्रहरी कार्यालय कास्कीबाट खटिएको प्रहरी टोलीले पर्वत कुश्मा नगरपालिका-३ का २५ वर्षका अभिषेक सुनारलाई पक्राउ गरेको हो। 

उनलाई जिल्ला अदालतबाट ठगी, आपराधिक विश्वास घात तथा आपराधिक लाभसम्बन्धी कसुरमा पाँच दिन म्याद थप गरी अनुसन्धान प्रकृया अगाडि बढाइएको प्रहरीले जनाएको छ।