काठमाडौं- नेपाल प्रहरीमा ५ सय ९५ जनाका लागि भर्ना खुलको छ। प्रहरी सहायक निरीक्षक र प्रहरी जवान (प्राविधिक) तर्फको लागि भर्ना खुलेको हो।

कात्तिक ३ गतेदेखि मंसिर ८ गतेसम्म आवेदन दिन सक्ने गरी प्रहरीले भर्ना आवेदन खुलाएको हो। प्रहरी सहायक निरीक्षक पदका लागि ३ सय ६७ जना र जवान तर्फ २ सय २८ जनाका लागि भर्ना आवेदन खुलेको हो।

सहायक निरीक्षकतर्फ खुलामा १ सय ९७ जना र बाँकी आरक्षा कोटा  रहेका छ। यसैगरी जवानतर्फ १ सय २३ जना खुला तर्फ र बाँकी आरक्षण कोटा रहेको छ।

सहायक निरीक्षक पदमा आवेदन दिनका लागि १८ वर्ष पूरा भएको र २४ वर्ष नकाटेको हुन पर्छ। यसैगरी सहायक निरीक्षक पदका लागि प्रमाण पत्र वा सो सरह उर्तीण भएको हुनु पर्ने छ।

यसैगरी जवानको हकमा १८ वर्ष पूरा भएको तर, २३ वर्ष ननाघेको र एसएलसी तथा एसइई पास भएको हुने पर्ने छ।