काठमाडौं- नेपाल नागरिक उड्डयन प्राधिकरणका महानिर्देशक प्रदीप अधिकारीले पोखरा अन्तर्राष्ट्रिय विमानस्थलको ग्राउन्ड ह्‍यान्डलिङ सेवाप्रदायकको छनौट प्रतिस्पर्धाबाट तय हुने बताएका छन्। 

भैरहवा विमानस्थलबाट हिमालय एयरलाइन्सले उडान सुरु गरेको अवसरमा आयजित कार्यक्रममा बोल्दै अधिकारीले पोखरा विमानस्थलमा काठमाडौं र भैरहवा जस्तो सिधै नेपाल एयरलाइन्सलाई नदिने अधिकारीको आसय छ। 

'कुनै पनि कम्पनीलाई सिधै सेवाको जिम्मा दिइन्न। पोखरामा प्रतिस्पर्धा हुन्छ जसले राम्रो सेवा सुविधाको ग्यारेन्टी गर्छ उसैले पाउँछ,' अधिकारीले भने। 

नेपाल एयरलाइन्सले सरकारी कम्पनी भएकै नाताले सिधै सेवाको जिम्मा पाउँदै आएको छ। पोखरामा पनि उसले दाबी गरेको छ। तर काठमाडौं र भैरहवाममा उसको सेवा भने राम्रो छैन। 

अधिकारीले गौतमबुद्ध विमानस्थलमा हिमालय एयरलाइन्सलाई स्वग्राउन्डा ह्यान्डलिङको अनुमति निसर्त नदिने बताए। नियमित उडान गर्ने सर्तमा मात्र दिने उनको भनाइ छ।