काठमाडौं-एनएमबि बैंकले चालू आवको पहिलो त्रैमासिकमा ९० करोड ४१ लाख नाफा कमाएको छ। यो नाफा गत आवको पहिलो त्रैमासको तुलनामा भने १३ प्रतिशत कमि आएको हो। गत आवमा कम्पनीले १ अर्ब ४ करोड नाफा कमाएको थियो।
त्यसैगरी चालू आवमा कम्पनीको वितरणयोग्य नाफा २ अर्ब २३ करोड रहेको छ। कम्पनीको खुद ब्याज आम्दानी भने गत आवको तुलनामा चालू आवमा ४४ प्रतिशत वृद्धि भएको छ।
कम्पनीले गत आवमा १ अर्ब ४२ करोड रुपैयाँ खुद ब्याज आम्दानी गरेकोमा चालू आवमा बढेर २ अर्ब ५ करोड रुपैयाँ पुगेको हो। नाफामा कमि आएसँगै कम्पनीको प्रतिशेयर आम्दानी पनि घटेको छ । गत आवमा कम्पनीको प्रतिशेयर आम्दानी २२.७५ रुपैयाँ रहेकोमा चालू आवमा १९.६९ रुपैयाँ मा झरेको हो।
कम्पनीको चुक्तापूँजी १८ अर्ब ३६ करोड रहेको छ। चालू आवको पहिलो त्रैमासमा कम्पनीले जगेडामा ६ अर्ब ८८ करोड र रिटेण्ड अर्निङमा २ अर्ब ५८ करोड सञ्चित गरेको छ।
