काठमाडौं- एनसेल आजियाटा लिमिटेडले संविधान दिवसको अवसरमा आइतबार (असोज २) बाट लागु हुने गरि नयाँ दुई अफर संचालन ल्याएको छ। यो अफर अन्तर्गत ग्राहकहरुले आकर्षक अनलिमिटेड डेटा र अन नेट भ्वाइस प्याकका साथै अल नेट भ्वाइस र एसएमएस प्याकको सुविधा पाउने भएका छन्।
प्याकहरु आइतबारबाट तीन दिनका लागि मात्र सञ्चालनमा रहने एनसेलले जनाएको छ। प्याकहरु आइतबारदेखि मंगलबार अर्थात असोज २ देखि ४ गतेसम्ममात्र लिन पाउने छन्।
ग्राहकहरुले एक दिन समयावधि रहेको अनलिमिटेड डेटा र अन नेट भ्वाइस प्याक करसहित ५९ रुपैयाँमा खरिद गर्न सक्छन्। प्याक सुरु गरेपछि ग्राहकले एक दिन अर्थात २४ घण्टासम्म अनलिमिटेड डेटा र अन नेट भ्वाइस सेवा लिन पाउँछन्।
एनसेलबाहेक अन्य सेवा प्रदायकका नम्बरहरुमा यो अफर अवधिभर अझ सुलभ दरमा कल गर्न र एसएमएस पठाउन ग्राहकले ९५ रुपैयाँमा २ सय मिनेट अल नेट टक टाइम र २ सय वटै एसएमएस बन्डल भएको प्याक लिन सक्ने एनसेलले जनाएको छ। प्याकमा पाइने अल नेट टक टाइम र एसएमएसको समयावधि ३ दिनको हुन्छ।
