काठमाडौं- हिमालयन बैंकले सिभिल बैंकलाई प्राप्ति गर्ने सम्झौतापत्रमा बुधबार सम्झौता भएको छ। गत शुक्रबार हुने भनिएको प्राप्ति सम्झौता रोकिएपछि भाँडिने आंशका गरिएको थियो।
हिमालयन बैंकमा सिभिल बैंक गाभिने गरी सम्झौता भएको हो। हिमालयन र सिभिल बैंकबीच १००ः८१ अनुपातमा मर्जर सहमति भएको हो। गाभिएसँगै अब हिमायलनकै सञ्चालक समिति रहने छ। यता नाम पनि हिमालयन बैंक नै रहनेछ।
याक एण्ड यतिमा होटलमा दुईपक्षबीच सम्झौता गरिएको हो। सम्झौतासँगै सिभिल बैंकको सेयर कारोबार भने रोक्का हुनेछ। हिमालयनले सिभिल प्राप्ति गरेपछि चुक्ता पुँजी २२ अर्ब हुनेछ।
सीईओ हिमालयनका अशोक राणा नै रहने छन् भने डेपुटी सीईओ भने सिभिलका सीईओले पाउने छन्।
