.jpeg)
.jpg)
.jpg)
.gif)
.gif)
काठमाडौं- नेपाल राष्ट्र बैंकका गभर्नर महाप्रसाद अधिकारीले सेयर कर्जामा ४/१२ करोडको नीतिका विषयमा आफू बोल्न नमिल्ने बताएका छन्। अधिकारीले मौद्रिक नीतिको विषयमा प्रतिनिधिसभा अन्तर्गतको अर्थ समितिमा भएको छलफल यस्तो बताएका हुन्।
.gif)
अधिकारीले नै आर्थिक वर्ष २०७८/०७९ को मौद्रिक नीतिमार्फत सेयर कर्जामा ४/१२ करोडको व्यवस्था ल्याएका थिए। सेयर लगानीकर्ताले एउटा बैंक तथा वित्तीय संस्थाबाट ४ करोड तथा सबै बैंक तथा वित्तीय संस्था गरेर १२ करोडभन्दा बढी ऋण लिन नपाइने व्यवस्था मौद्रिक नीतिमा गभर्नर अधिकारीले गरेका थिए। सोही व्यवस्थासँगै बजार घटेको लगानीकर्ताको भनाइ छ।
.gif)
.gif)
साथै लगानीकर्ताले सेयर लोनको रिक्स फ्याक्टर १५० प्रतिशत पुर्याएको विषयमा पनि विरोध गरिरहेका छन्।
मौद्रिक नीतिका विषयमाथि छलफलका क्रममा समिति सभापति कृष्णप्रसाद दाहालले सेयर बजार ओरालो लागेको र यसलाई सम्बोधन गर्न मौद्रिक नीतिले के व्यवस्था गर्न लागेको छ भन्दै प्रश्न गरेका थिए। उनको प्रश्नमा गभर्नर अधिकारीले सेयर बजारको नियामक निकाय छुट्टै भएकाले यस विषयमा आफू बोल्न नमिल्ने बताएका थिए।
