काठमाडौं- शुक्रबार सम्पन्न स्थानीय तहको निर्वाचनको मतगणना देशभर जारी छ। यसमध्ये काठमाडौं महानगरपालिकाको मतगणनामा सुरुदेखि नै स्वतन्त्र उम्मेदवार बालेन्द्र शाह(बालेन)ले अग्रता बनाइरहेका छन्।
कांग्रेस र एमालेका उम्मेदवारभन्दा धेरै मत ल्याइरहेका शाहले पछिल्लो अपडेट अनुसार निकटमत प्रतिस्पर्धी एमालेका केशव स्थापितको भन्दा ५ हजार मतले अघि रहेका छन्।
पछिल्लो परिणाम अनुसार शाहले १० हजार ७९७ मत पाएका छन्। एमालेका स्थापितले ५ हजार ७८७ मत पाएका छन्। नेपाली कांग्रेसबा उम्मेदवार भएकी सिर्जना सिंहले ५ हजार ७४ मत ल्याएकी छन्।
उपमेयरमा भने नेकपा एमालेकी सुनिता डंगोलले १० हजार ४७७ मतसहित अग्रस्थान कायम राखेकी छन्।
