काठमाडौं- गुगलले लाखौं एप्लिकेसन प्रयोगकर्ताको पहुँचबाट हटाउने भएको छ।
प्रयोगकर्ताको सुरक्षामा चुनौति थप्ने भनेर पहिचान भएका यस्ता एपलाई तत्कालका लागि डाउलोड गर्न नमिल्ने बनाउन लागिएको गुगलले घोषणा गरेको छ।
पछिल्लो २ वर्षदेखि कुनै पनि अपडेट नभएका एपलाई हटाउनका लागि गुगलले तयारी गरिरहेको समाचारहरुमा उल्लेख गरिएको छ।
गुगल बाहेक एप्पलले पनि एपस्टोरबाट यस्ता एपलाई हटाउन लागेको छ। तत्कालका लागि गुगलले ८ लाख ६९ हजार एपको पहिचान गरेको छ भने एप्पलले ६ लाख ५० हजार एप पहिचान गरेको छ।
दुबै कम्पनीले यस्ता एप हटाउनुको मुख्य कारणका रुपमा प्रयोगकर्ताको सुरक्षा रहेको उल्लेख गरेका छन्। पुराना एपले सफ्टवेयरमा भएको अपडेट अनुसारको सुविधा दिन नसक्ने र सोही अनुसारको सुरक्षाका मापदण्ड पनि पूरा गर्न नसक्ने बताइएको छ।
