काठमाडौं- नेपाल टेलिकमले राष्ट्रिय सूचना तथा सञ्चार प्रविधि दिवसका अवसर ग्राहकलाई सेवामा अफर दिने भएको छ। मे २ तारिकमा चौथो राष्ट्रिय सूचना तथा सञ्चार प्रविधि दिवस२०७९ मनाइदै छ।
सोही अवसरमा टेलिकमले वैशाख १८ गतेदेखि २४ गतेसम्म लागू हुने गरी अफर ल्याएको हो। टेलिकमले अनलिमिटेड डाटा र भ्वाइससहितको कम्बो प्याक, डाटा प्याक र बोनस अन रिचार्ज उपलब्ध गराउने भएको छ।
अफर अन्तर्गत ३ दिनसम्म प्रयोग गर्न सकिने ६ जीबी डाटा प्याकको जम्मा ९८ रुपैयाँ र २४ घण्टासम्म प्रयोग गर्न सकिने एक एमबिपिएस अनलिमिटेड डाटा र अन नेट अनलिमिटेड कुराकानी गर्न सकिने प्याक ९९ मा उपलब्ध हुंदै आएको राष्ट्रिय सूचना तथा सञ्चार दिवसको अवसरमा ५० प्रतिशत छुटसहित ४९ रुपैयाँमा उपलब्ध हुने टेलिकमले जनाएको छ।
यसका साथै २ सयदेखि ४ सय ९९ रुपैयाँ सम्मको एमपोस रिचार्ज गर्दा दुई दिनसम्म प्रयोग गर्न सकिने १ जिबीको डाटा प्याक र ५ सय रुपैयाँ तथा सोभन्दा बढीको एमपोस रिचार्ज गर्दा ४ दिनसम्म प्रयोग गर्न सकिने २ जीबी डाटा प्याक पनि उपलब्ध गराउने टेलिलकले जनाएको छ।
