.gif)
.gif)
.gif)
.gif)
.gif)
काठमाडौं- नेपाल आयल निगमले एलपी ग्यास बिक्री गर्दा अनिवार्य भ्याट बिल जारी गर्न ग्यास उद्योगहरूलाई निर्देशन दिएको छ।
निगमको एलपी ग्यास तथा एभिएसन विभागले सोमबार सबै ग्यास उद्योगलाई पत्राचार गर्दै ग्यास बिक्रीपछि बिल बिजक जारी गर्ने व्यवस्था मिलाउन निर्देशन दिएको हो।
ग्यास उद्योगबाट नियुक्त कतिपय विक्रेताले ग्यास बिक्री गरेपछि बिल बिजक जारी नगरेको गुनासो आएको निगमले जनाएको छ। त्यसैले बिक्रेतालाई अनिवार्य रूपमा भ्याट बिल जारी गर्न लगाई एलपी ग्यासको बिक्री वितरणको व्यवस्था मिलाउन निगमले आग्रह गरेको छ।
निगमले यसअघि पनि २०८१ साउन ३० र माघ १० गते सम्बन्धित संघलाई पत्राचार गरी निर्णय कार्यान्वयन गर्न भनेको थियो। पछिल्लो पत्रमार्फत निगमले उक्त व्यवस्था प्रभावकारी रूपमा कार्यान्वयन गर्न पुनः ध्यानाकर्षण गराएको हो।
