.gif)
.gif)
.gif)
.gif)
.gif)
काठमाडौं- प्रधानमन्त्री दैवी प्रकोप उद्धार तथा राहत कोषमा १४ अर्ब ३ करोड १२ लाख ७६ हजार ९ सय ४० रुपैयाँ जम्मा भएको छ।
प्रधानमन्त्री तथा मन्त्रिपरिषद्को कार्यालयका अनुसार आज मंगलबार बिहान ९ बजेसम्मको विवरणअनुसार विभिन्न नौवटा बैंकमा १० अर्ब ४० करोड ९९ लाख ४३ हजार ५ सय १६ रुपैयाँ जम्मा भएको छ।
त्यस्तै, कोषका अन्य दुई वटा बैंकमा रहेको डलर खातामा २ करोड ३७ लाख ६ हजार ५ सय ७५ अमेरिकी डलर (आजको विनिमयअनुसार ३ अर्ब ६२ करोड १३ लाख ३३ हजार ४ सय २४ नेपाली रुपैयाँ) जम्मा भएको छ।
राहत कोषबाट केही दिनअघि रसुवाको भोटेकोशी नदीमा आएको बाढीबाट पीडितलाई राष्ट्रिय विपद् जोखिम न्यूनीकरण तथा व्यवस्थापन प्राधिकरणमार्फत एक अर्ब रुपैयाँ निकासा गरिएको थियो।
