.gif)
.gif)
.gif)
.gif)
.gif)
काठमाडौं- नापजाँच सकिएको ५ वर्षपछि धनुषाका ३८५ परिवारले लालपुर्जा पाएका छन्।
नापी कार्यालय धनुषाले नापजाँच भएको करिब ५ वर्षपछि धनुषाको सवैला नगरपालिका वडा नं ८ (साविक ठिला गाउँ विकास समितिका) ती परिवारलाई जग्गाधनी पुर्जा वितरण गरेको हो।
लामो समयदेखि स्ववासीका रूपमा बसोबास गर्दै आएका ३८५ परिवार औपचारिक रूपमा आफ्नो जग्गाको कानूनी स्वामित्व प्राप्त गरेका हुन्।
नापजाँच सम्पन्न भए पनि जग्गा दर्ताका लागि आवश्यक जनसहभागिता न्यून हुँदा पुर्जा वितरणको प्रक्रिया लामो समय रोकिएको थियो। विगतमा नापनक्सा भइसकेको जग्गाको आवश्यक प्रक्रिया पूरा गर्दै ३८५ थान जग्गाधनी पुर्जा वितरण गरिएको हो।
यसअघि सोहि नगरपालिकाको वडा नं ४,५,६ र १० मा ३२२६ परिवारलाई लालपुर्जा वितरण गरिएको थियो।
