.gif)
.gif)
.gif)
.gif)
.gif)
काठमाडौं- राष्ट्रिय स्वतन्त्र पार्टी (रास्वपा) का सभापति रवि लामिछाने र राष्ट्रपति रामचन्द्र पौडेलबीच भेटवार्ता भएको छ।
भोटेकोशी बाढीको क्षति, उद्धार र राहतमा सरकारबाट भइरहेको कामकारबाहीबारे रास्वपा सभापति लामिछानेले राष्ट्रपतिलाई भेटेर जानकारी गराएका हुन्। आजै प्रधानमन्त्री बालेन्द्र शाहसँग भेट गरी सरकारले गरिरहेको कामबारे जानकारी लिएपछि उनले यसबारे राष्ट्रपतिलाई ब्रिफिङ गरेका हुन्।
यसअघि सभापति लामिछानेले प्रधानमन्त्री तथा मन्त्रिपरिषद्को कार्यालय, सिंहदरबारमा प्रधानमन्त्री शाहलाई भेटेका थिए। भेटमा उनीहरुबीच रसुवाको भोटेकोशी नदीमा आएको बाढीका कारण प्रभावित क्षेत्रमा सरकारद्वारा भइरहेका खोज, उद्धार, राहत वितरण तथा नागरिक व्यवस्थापनका प्रयासबारे छलफल भएको थियो।
भेटका क्रममा प्रभावित नागरिकहरूको उद्धार र राहतका साथै क्षति पुगेका संरचनाको पुन:स्थापनाका विषयमा छलफल भएको थियो।
प्रधानमन्त्री शाहले विपद् प्रभावित क्षेत्रमा नागरिकको जीउधनको रक्षा, राहत सामग्रीको सहज पहुँच र पुनःस्थापनाका लागि सरकारी संयन्त्रहरू पूर्ण क्षमताका साथ परिचालन गरिएको जानकारी गराएका थिए।
