.gif)
.gif)
.gif)
.gif)
.gif)
काठमाडौं- बाढी प्रभावित परिवार तथा समुदायको राहत तथा पुनर्स्थापनामा सहयोग पुऱ्याउने उद्देश्यले पद्म ज्योति समूहमार्फत प्रधानमन्त्री दैवी प्रकोप उद्धार कोषमा एक करोड रुपैयाँ सहयोग गरिएको छ।
प्रधानमन्त्री दैवी प्रकोप उद्धार कोषमा ३६ घण्टा अवधिमा १ अर्ब ९१ करोड ८६ लाख रुपैयाँ सहयोग रकम संकलन भएको छ।
अर्थ मन्त्रालयलाई प्राप्त विवरणअनुसार बुधबार मध्याह्नदेखि बिहीबार राति १२ बजेसम्म कोषमा उक्त रकम जम्मा भएको हो।
विभिन्न १० वाणिज्य बैकहरुमा रहेको खातामा १ अर्ब ९१ करोड ८६ लाख ५० हजार ९ सय ११ रुपैयाँ दाताहरूले ३६ घण्टा अवधिमा जम्मा गरेका हुन्।
बुधबार बिहान नेपाल-चीन सीमा भएर बग्ने भोटेकोशी नदीमा भीषण बाढी आएर ठूलो धनजनको क्षति गरेपछि सरकारले मन्त्रिपरिषद् बैठक बसी ती प्रभावित क्षेत्रलाई संकटग्रस्त क्षेत्र घोषणा गरेको थियो। त्यसपछि राहत कोषमा मनकारी व्यक्ति तथा संस्थाहरूको सहयोग जम्मा हुन सुरु भएको थियो।
सरकारले प्रधानमन्त्री राहत कोषमा रकम जम्मा गर्न र त्यसको समन्वयका लागि अर्थ मन्त्रालयलाई फोकल मन्त्रालयको रुपमा तोकेको छ।
अर्थमन्त्री डा. स्वर्णिम वाग्लेले संस्थागततर्फ एक करोड रुपैयाँ वा सोभन्दा माथिको सहयोग गर्ने दाताहरूको रकम आफैँमार्फत स्वीकार गरिरहेका छन्।
