.gif)
.gif)
.gif)
.gif)
.gif)
काठमाडौं- बुधबार भीषण बाढी आएको भोटेकोशीमा पुन: पानीको सतह बढिरहेको भन्दै सचेत र सुरक्षित रहन आग्रह गरिएको छ।
ठूलो बाढी आएकै क्षेत्रमा आज पुनः लेदोसहित पानीको बहाव केही बढेको सूचना प्राप्त भएको र थप बाढी आउन सक्ने जोखिम रहेको ष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ।
भोटेकोशी एवं त्रिशूली नदी किनारमा उद्धार एवं राहतमा खटिएका एवं विविध कारणले जोखिम क्षेत्रमा रहेका सबैलाई उच्च सर्तकता अपनाउन र जोखिम देखिएमा तुरुन्त सुरक्षित स्थानमा जान प्राधिकरणको अनुरोध छ।
बाढी बढिरहेकोले अर्को सूचना नआउँदासम्म उच्च सतर्कता सहित सुरक्षित स्थानमा रहन भनिएको छ।
रसुवा बाढीपश्चात हाल भोटेकोशी र त्रिशुली नदीको बहाव सतर्कता तहभन्दा तल रहेतापनि उच्च सतर्कता अपनाउनुपर्ने देखिन्छ।
चीन सरकारबाट प्राप्त सूचना तथा भू-उपग्रह तस्बिर तथा प्रारम्भिक विश्लेषण अनुसार बुधबार बाढी सृजना भएको स्थानमा नदी थुनिएर ताल बनेको र उक्त ताल बढ्ने क्रममा रहेको र फुट्ने जोखिमसमेत देखिएको छ। नदी किनार तथा जोखिमयुक्त क्षेत्रबाट सुरक्षित स्थानमा रहन सूचित गरिएको छ।
