.gif)
.gif)
.gif)
.gif)
.gif)
काठमाडौं- भोटेकोशी बाढी प्रभावित क्षेत्रबाट ११४ जनाको हवाई उद्धार गरिएको छ। बुधबार बिहान रसुवास्थित भोटेकोशीमा आएको बाढीले समस्यामा परेकाहरुको नेपाली सेना र निजी क्षेत्रले हवाईमार्फत उद्धार गरेको हो।
नेपाली सेनाले विभिन्न उडानमार्फत ८५ जना र निजी क्षेत्रका विभिन्न हेलिकप्टर कम्पनीले २९ जनाको उद्धार गरेका छन्।
नेपाली सेनाले रसुवाको टिमुरे-धुन्चेमा ६० जना, टिमुरे-त्रिशूलीमा १३, मैलुङमा ५ जना, बेत्रावतीमा ४जना, त्रिशूली-काठमाडौंमा ३ जनाको उद्धार गरेको छ।
त्यसैगरी, निजी क्षेत्रअन्तर्गत कैलाश हेलिकप्टरले रसुवा-टिचिङ अस्पतालमा ५ जना, सिम्रिकले रसुवाबाट ३, जना, अन्नपूर्ण हेलिले रसुवाबाट टिचिङ अस्पतालमा ४ जनाको उद्धार गरेका छन्।
साथै, प्रभु हेलिकप्टरले रसुवादेखि टिचिङ अस्पतालमा ५ जना, सिम्रिकले रसुवा-टिचिङ अस्पतालमा २ जना, फिसटेलले रसुवा-टिचिङ अस्पतालमा ५ जना, एभरेष्टले रसुवा-टिचिङ अस्पतालमा २ जना र प्रभु हेलीले रसुवा-वीर अस्पतालमा २ जनाको उद्धार गरेका छन्।
