.gif)
.gif)
.gif)
.gif)
.gif)
काठमाडौं- नेपाल टेलिकमले रसुवागढीमा आएको बाढीबाट प्रभावित क्षेत्रका बासिन्दाका लागि टेलिफोन, एसएमएस र इन्टरनेट सेवा निःशुल्क उपलब्ध गराउने भएको छ।
नेपाल टेलिकमका प्रवक्ता कमल लामिछानेका अनुसार प्रभावित क्षेत्रका सेवाग्राहीले दुई दिनसम्म असीमित भ्वाइस सेवा, दैनिक दुई जिबी डाटा र ५० वटा एसएमएस निःशुल्क पाउनेछन्।
सूचना तथा सञ्चारमन्त्री डा. विक्रम तिमिल्सिनाले बाढी प्रभावित क्षेत्रका बासिन्दालाई तत्काल निःशुल्क टेलिफोन र इन्टरनेट सेवा उपलब्ध गराउन निर्देशन दिएपछि टेलिकमले यो व्यवस्था गरेको हो।
टेलिकमले बाढी प्रभावित क्षेत्र र आसपासका सेवाग्राहीलाई सावधानी अपनाउन एसएमएसमार्फत निरन्तर सूचना पनि पठाइरहेको जनाएको छ।
बाढीका कारण रसुवामा दुई र नुवाकोटमा पाँच गरी सात वटा दूरसञ्चार टावरमा क्षति पुगेको टेलिकमले जनाएको छ।
