.gif)
.gif)
.gif)
.gif)
.gif)
बागमती- हेटौँडास्थित सहिद स्मारकले टिकट बिक्रीबाट एक महिनामा १३ लाख ३६ हजार ५८० रूपैयाँ संकलन गरेको छ।
स्मारक घुम्न आएका १८ हजार ७६८ जना सर्वसाधारण र ९५० जना विद्यार्थीबाट उक्त रकम जम्मा भएको हो। हरेक दिन बिहान ६ बजेदेखि बेलुका ९ बजेसम्म स्मारक खुला हुने गरेको लेखा अधिकृत आशिष विडारीले जानकारी दिए।
घुम्न आउने विद्यार्थीका लागि ३० रूपैयाँ, सर्वसाधारणका लागि ५०, सार्क राष्ट्रका लागि १०० र अन्य पर्यटकका लागि १५० रूपैयाँ शुल्क निर्धारण गरिएको छ। रासस
