.gif)
.gif)
.gif)
.gif)
.gif)
काठमाडौं- नेपाल आउँदै गरेको नयाँ इलेक्ट्रिक एसयूभीले सार्वजनिक हुनुअघि नै उल्लेखनीय अन्तर्राष्ट्रिय उपलब्धि हासिल गरेको छ। दिपल निभो अल न्यू क्यू०५ लगातार चार महिना चीनको सर्वाधिक बिक्री हुने कम्प्याक्ट एसयूभी बनेको छ भने यसको कुल बिक्री एक लाख युनिट नाघेको छ।
क्यू०५ ले जुलाई २०२६ मा १८ हजार ८७१ युनिट बिक्री गर्दै चीनको कम्प्याक्ट एसयूभी बजारमा लगातार चौथो महिना पहिलो स्थान कायम राखेको हो। सन् २०२६ को पहिलो ६ महिनामा पनि यो कुल बिक्रीका आधारमा चीनको सर्वाधिक बिक्री हुने कम्प्याक्ट प्योर-इलेक्ट्रिक एसयूभी बनेको छ।
चिनियाँ बजारका अन्य कम्प्याक्ट इलेक्ट्रिक एसयूभीसँग तुलना गर्दा क्यू०५ को प्रदर्शन अझ स्पष्ट देखिन्छ। जनवरीदेखि जुलाई २०२६ सम्म क्यू०५ ले चीनमा ९० हजार ४५३ युनिट बिक्री गरेको छ। चीनको कम्प्याक्ट एसयूभी बजारमा क्यू०५ ले लगातार चार महिनादेखि पहिलो स्थान कायम गरिरहेको छ।
क्यू०५ को २ हजार ७३५ एमएम ह्विलबेसले कम्प्याक्ट पारिवारिक एसयूभीअनुसारको फराकिलो इन्टेरियर उपलब्ध गराउँछ। यसले मूल्यका हिसाबले साना इलेक्ट्रिक एसयूभीसँग प्रतिस्पर्धा गर्दै ठूलो सेग्मेन्टको स्पेस, कम्फर्ट र रोड प्रेजेन्स प्रदान गर्छ।
अन्तर्राष्ट्रिय मोडलमा सीएटीएल ब्याट्री सेल, थ्री-सी फास्ट चार्जिङ, ठूलो डिजिटल डिस्प्ले, अत्याधुनिक क्यामेरा प्रविधि र विभिन्न कम्फर्ट तथा कन्भिनियन्स फिचर उपलब्ध छन्। उपयुक्त अवस्थामा यसको ब्याट्री करिब १५ मिनेटमा ३० प्रतिशतबाट ८० प्रतिशतसम्म चार्ज गर्न सकिन्छ।
क्यू०५ को सफलता कुनै एक विशेष फिचरमा मात्र आधारित देखिँदैन। स्पेस, डिजाइन, प्रविधि, चार्जिङ क्षमता र मूल्यको समग्र संयोजनप्रति ग्राहकले सकारात्मक प्रतिक्रिया दिएका छन्।
नेपाल आउनुअघि नै एक लाख कुल बिक्री र लगातार चार महिनाको बजार नेतृत्व हासिल गरेको क्यू०५ नेपाली बजारमा प्रवेश गर्न लागेका सबैभन्दा प्रमाणित नयाँ इलेक्ट्रिक एसयूभीमध्ये एक बनेको छ।
