.gif)
.gif)
.gif)
.gif)
.gif)
विराटनगर- मोरङको विराटनगर नाका भइ आर्थिक वर्ष २०८२/८३ मा तेस्रो मुलुकका २१० जना पर्यटक नेपाल प्रवेश गरेको अध्यागमन कार्यालय विराटनगरले जनाएको छ।
उक्त आर्थिक वर्षमा नेपाल भित्रिने पर्यटकमध्ये १३६ जना पुरुष र ७४ जना महिला छन्। सोही आर्थिक वर्षमा विराटनगर नाकाबाट भारतबाहेक तेस्रो मुलुक जाने पर्यटकको सङ्ख्या ३०० रहेको छ। त्यसमध्ये १५० महिला र १५० जना पुरुष छन्।
सो अवधिमा ती पर्यटकबाट ८६ लाख ६५ हजार १८५ रूपैयाँ राजस्व प्राप्त भएको कार्यालयका प्रवक्ता युवराज पोखरेलले जानकारी दिए।
उनका अनुसारमा आर्थिक वर्ष २०८१/८२ मा त्यस नाकाबाट १६८ पर्यटक नेपाल प्रवेश गरेका थिए। त्यसमध्ये महिला ७९ जना र पुरुष ८९ जना थिए। त्यस वर्ष पर्यटकबाट ६७ लाख ८२ हजार ५२५ रूपैयाँ राजस्व संकलन भएको थियो। रासस
