.jpg)
.jpg)
.gif)
.gif)
चितवन- नारायणघाट-मुग्लिन सडकखण्डको मुग्लिन नजिकै सुक्खा पहिरो खसेपछि अवरुद्ध सडक सञ्चालनमा आएको छ। इच्छाकामना गाउँपालिका-५ खहरे खोलामा आज बिहान ८:३० बजे सुक्खा पहिरो खसेको थियो।
.gif)
जिल्ला ट्राफिक प्रहरी कार्यालय चितवनका प्रमुख प्रहरी निरीक्षक अनिल थापाका अनुसार पहिरो पन्छाएसँगै अहिले १:१५ बजेबाट दुईतर्फी सवारी सञ्चालन गरिएको छ।
.gif)
.gif)
यसअघि ११:१५ बजे नै सडक एकतर्फी खुलाएर एम्बुलेन्स र मोटरसाइकल पार गराइएको थियो। पहिरो पन्छाउनका नारायणघाटबाट लोडर, स्काभेटर तथा मुग्लिनबाट पनि लोडर प्रयोग गरिएको थियो। त्यो ठाउँमा ४० मिटर माथिबाट ढुंगासहित सुक्खा पहिरो खसेको थियो।
पहिरो पन्छाएसँगै सडकमा रोकिएका सवारीसाधन गन्तव्यतर्फ अघि बढिसकेको प्रहरीले जनाएको छ। रासस
