.jpg)
.jpg)
.gif)
.gif)
जनकपुरधाम- जिल्ला ट्राफिक प्रहरी कार्यालय जनकपुरधाम, धनुषाले गत आर्थिक वर्ष २०८२/८३ मा एक करोड १४ लाख नौ हजार ५०१ रूपैयाँ राजस्व संकलन गरेको छ।
.gif)
प्रमुख प्रहरी निरीक्षक खगेन्द्रकुमार दाहालले आव २०८२/८३ मा ट्राफिक नियम उल्लंघन गर्ने १२ हजार ६०३ सवारीसाधनमाथि कारबाही गर्दा एक करोड १४ लाख नौ हजार ५०१ रूपैयाँ राजस्व संकलन भएको जानकारी दिए।
.gif)
.gif)
आव २०८१/८२ मा २८ हजार ५३८ सवारीसाधनमाथि कारबाही गर्दा दुई करोड २१ लाख १० हजार ५ सय रूपैयाँ राजस्व संकलन गरेको थियो।
धनुषा जिल्लामा आव २०८२/८३ मा भएको एक हजार ३५८ सवारी दुर्घटनामा परी ८२ जनाको मृत्यु भएको छ भने दुई हजार १९८ जना घाइते भएका छन्।
अघिल्लो आव २०८१/८२ मा धनुषामा एक हजार २२१ सवारी दुर्घटना हुँदा ८४ जनाको मृत्यु भएको थियो।
पछिल्ला केही वर्षयता धनुषा जिल्लामा सवारी दुर्घटना बढे पनि दुर्घटनामा परी मृत्यु हुनेको सङ्ख्यामा कमी आएको देखिन्छ। सडकको नाजुक अवस्था, मानवीय लापरबाहीलगायतका कारण बितेका वर्षमा सवारी दुर्घटना केही बढे पनि दुर्घटनामा मृत्यु हुनेको सङ्ख्या घटेको प्रहरी निरीक्षक दाहालले बताए।
पछिल्ला वर्षमा ट्राफिक सचेतना र नियमित ट्राफिक चेकजाँचका कारण सवारी दुर्घटनामा कमी आएको प्रहरी निरीक्षक दाहालको दाबी छ। रासस
