.jpg)
.gif)
.gif)
पाल्पा- चालु आर्थिक वर्षमा छ वर्षयताकै उच्च परिमाणमा दालचिनी भारत निर्यात भएको छ। डिभिजन वन कार्यालय पाल्पाका अनुसार चालु आवमा ३ लाख ४७ हजार ९ सय ६९ किलो दालचिनी भारत निकासी भएको थियो। उक्त परिमाण पछिल्लो आवको तुलनामा सबैभन्दा बढी हो।
.gif)
आव २०७७/७८ मा १ लाख ९१ हजार ४ सय १५ किलो दालचिनी भारत निर्यात भएको थियो। कार्यालयका सूचना अधिकारी खिलबहादुर तामाङले चालु आवमा १२ लाख ८८ हजार ४ सय ८२ किलो तेजपात पनि भारत निर्यात भएको बताए।
.gif)
.gif)
गत आवमा एक लाख २१ हजार १० किलो दालचिनी र आठ लाख ८१ हजार ७ सय ३१ किलो तेजपात निकासी भएको थियो। कार्यालयको तथ्यांकअनुसार आव २०८०/८१ मा एक लाख ७६ हजार ६ सय ९७ किलो, २०७९/८० मा एक लाख ८३ हजार ५ सय ९० किलो, २०७८/०७९ मा एक लाख ९० हजार २ सय १४ किलो र २०७७/०७८ मा १ लाख ९१ हजार ४ सय १५ किलो दालचिनी भारत निर्यात भएको हो।
त्यसैगरी, तेजपात निर्यातमा पनि वृद्धि भएको छ। आव २०८०/०८१ मा सात लाख ६ हजार ७ सय ९० किलो रहेको तेजपात निकासी गत वर्ष आठ लाख ८१ हजार ७ सय ३१ किलो पुगेको थियो। चालु आवमा बढेर १२ लाख ८८ हजार ४ सय ८२ किलो पुगेको कार्यालयले जनाएको छ।
पाल्पामा उत्पादन हुने तेजपात र दालचिनीको प्रमुख बजार भारत हो। तेजपात र दालचिनी यहाँका नागरिकको प्रमुख आम्दानीको माध्यम बनेको डिभिजन वन कार्यालय पाल्पाका प्रमुख मोहन श्रेष्ठले बताए। उनले किसानले तेजपात प्रतिकिलो ५० देखि ६० र दालचिनी प्रतिकिलो १०० रुपैयाँमा बिक्री गर्दै आएको बताए।
दालचिनी र तेजपातको उत्पादन तथा बजार विस्तारमा निरन्तरता दिनसके स्थानीय कृषकको आम्दानी वृद्धि हुनुका साथै जिल्लाको वनजन्य उत्पादनको निर्यात प्रवर्द्धनमा थप योगदान पुग्ने अपेक्षा गरिएको कार्यालय प्रमुख श्रेष्ठले बताए। रासस
