काठमाडौं- कालीमाटी फलफूल तथा तरकारी बजार विकास समितिले आजका लागि कृषिउपजको अधिकतम थोक मूल्य निर्धारण गरेको छ।

समितिका अनुसार गोलभेँडा ठूलो (भारतीय) प्रतिकिलो ९०, गोलभेँडा सानो (लोकल) प्रतिकिलो ५२, गोलभेँडा सानो (भारतीय) प्रतिकिलो ७०, गोलभेँडा सानो (तराई) प्रतिकिलो ६०, गोलभेँडा साना (टनेल) ८०, आलु रातो (लाम्चो) प्रतिकिलो ३०, आलु रातो (गोलो) प्रतिकिलो २५ र प्याज सुकेको (भारतीय) प्रतिकिलो ३८ रुपैयाँ रहेको छ।

यसैगरी, गाजर (लोकल) प्रतिकिलो ६०, बन्दा (लोकल) प्रतिकिलो ४०, काउली स्थानीय प्रतिकिलो ५०, रातो मूला प्रतिकिलो ७५, सेतो मूला (हाइब्रिड) प्रतिकिलो २०, भन्टा लाम्चो प्रतिकिलो ४० र भन्टा डल्लो प्रतिकिलो ६० रुपैयाँ कायम भएको छ।

त्यसैगरी, बोडी (तने) प्रतिकिलो ७०, मकै बोडी प्रतिकिलो ८०, घिउ सिमी (लोकल) प्रतिकिलो १००, घिउ सिमी (हाइब्रिड) प्रतिकिलो ८०, घिउ सिमी (राजमा) प्रतिकिलो ९०, भटमास कोसा प्रतिकिलो १३०, तीते करेला प्रतिकिलो ७०, लौका प्रतिकिलो ५०, परवर (लोकल) प्रतिकिलो ६०, परवर (तराई) प्रतिकिलो ५५, चिचिन्डो प्रतिकिलो ४५, घिरौँला प्रतिकिलो ५०, झिगुनी प्रतिकिलो ८०, फर्सी पाकेको प्रतिकिलो ६०, हरियो फर्सी (लाम्चो) प्रतिकिलो ६०, हरियो फर्सी (डल्लो) प्रतिकिलो ४०, सखरखण्ड प्रतिकिलो ७०, भिन्डी प्रतिकिलो ५० र पिँडालु प्रतिकिलो ५०, र स्कुस प्रतिकिलो ५५ रुपैयाँ कायम गरिएको छ।

रायोसाग प्रतिकिलो ८०, पालुङ्गो प्रतिकेजी १२०, तोरीसाग प्रतिकिलो ४०, चमसुरको साग प्रतिकेजी १२०, मेथीको साग प्रतिकिलो १००, हरियो प्याज प्रतिकिलो १५०, च्याउ (कन्य) प्रतिकिलो १६०, च्याउ (डल्ले) प्रतिकिलो ४००, राजा च्याउ प्रतिकेजी ३२० र सिताके च्याउ प्रतिकेजी १,००० रुपैयाँ निर्धारण गरिएको छ।

कुरिलो प्रतिकिलो ३५०, ब्रोकाउली प्रतिकिलो १२०, चुकुन्दर प्रतिकिलो ५५, निगुरो प्रतिकिलो ८०, रातो बन्दा प्रतिकिलो ५०, सजीवन प्रतिकिलो १२०, तोरीसाग प्रतिकिलो ४०, जिरीको साग प्रतिकिलो ११०, पार्सले प्रतिकिलो ३००, सेलरी प्रतिकिलो १३०, सौफको साग प्रतिकेजी १००, पुदिना प्रतिकिलो १००, गान्टेमुला प्रतिकिलो ६०, इमली प्रतिकिलो १८०, तामा प्रतिकिलो १५०, तोफु प्रतिकिलो १५० र गुन्द्क प्रतिकिलो ३०० रुपैयाँ तोकिएको छ।

स्याउ (झोले) प्रतिकिलो २३०, स्याउ (फुजी) प्रतिकिलो २८०, कागती प्रतिकेजी २८०, केरा (मालभोग) दर्जन २२०, केरा (नेपाली) २००, अनार प्रतिकिलो ४५०, अङ्गुर (हरियो) प्रतिकिलो ३२०, अङ्गुर (कालो) प्रतिकिलो ४५०, तरबुजा हरियो प्रतिकिलो ३८, भुइँकटहर प्रतिगोटा २५०, काँक्रो (लोकल) प्रतिकिलो ६०, काँक्रो (हाइब्रिड) प्रतिकिलो ३०, काँक्रो (लोकलक्रस) प्रतिकिलो ५५, खकटहर प्रतिकिलो ६०, नासपाती (चाइनिज) प्रतिकिलो २५०, मेवा (नेपाली) प्रतिकिलो ९०, मेवा (भारतीय) प्रतिकिलो १००, लिच्ची प्रतिकिलो २३०, र एभोकाडो प्रतिकिलो ८०० रुपैयाँ निर्धारण गरिएको छ।

यसैगरी, नरिवल (काँचो) प्रतिकिलो ८०, नरिवल (हरियो) प्रतिकिलो १७०, अदुवा प्रतिकिलो १८०, सुकेको खुर्सानी प्रतिकिलो ४३०, खुर्सानी हरियो (लाम्चो) प्रतिकिलो १००, खुर्सानी हरियो (बुलेट) प्रतिकिलो १००, माछे खुर्सानी प्रतिकिलो ६०, भेडेखुर्सानी प्रतिकिलो ६५, हरियो लसुन प्रतिकिलो २००, हरियो धनियाँ प्रतिकिलो १००, लसुन सुकेको (चाइनिज) प्रतिकिलो २००, लसुन सुकेको (नेपाली) प्रतिकिलो १२०, छ्यापी सुकेको प्रतिकिलो १४०, माछा (रहु) प्रतिकिलो ३३०, ताजा माछा (बचुवा) प्रतिकिलो ३०० र ताजा माछा (छडी) प्रतिकिलो २६० रुपैयाँ निर्धारण गरिएको छ। रासस