काठमाडौं- हाइफ्युचरले आफ्ना नयाँ उत्पादन नेपाली बजारमा सार्वजनिक गरेको छ।
कम्पनीले आफ्नो इन्ट्री लेभलका उत्पादनहरु नेपाली बजारमा ल्याएको हो। हाइफ्युचरले तीन नयाँ उत्पादन:फ्युचरफिट इभो स्मार्टवाच, फ्युचरफिट पल्स स्मार्टवाच तथा कलरबड बजारमा ल्याएको हो।
फ्युचरफिट इभो स्मार्टवाच बेजल-फ्री डिस्प्ले तथा एरोस्पेस ग्रेड अलुमिनियम अलोय केससहितको डिजाइनमा उपलब्ध छ। यसको क्लासिक डिजाइन सबैखाले कपडाहरु तथा सबैखाले अवसरहरुका लागि सुहाउँदो हुने कम्पनीको दावी छ।
यसमा बिल्ट-इन हार्ट रेट मनिटर तथा ब्लड अक्सिजन लेभल ट्रयाकर पनि रहेको छ। एकपटक चार्ज भएपछि निरन्तर दशदिनसम्म काम गर्ने यसको मूल्य भने ५ हजार ९९९ रुपैयाँ रहेको छ।
फ्युचरफिट पल्सको मूल्य ४ हजार ९९९ रुपैयाँ छ। कलर बड्सको मूल्य २ हजार ४ सय ९९ रुपैयाँ रहेको छ।
