काठमाडौं- आर्थिक वर्ष २०८१/८२ मा सरकारले २ खर्ब १५ अर्ब रूपैयाँ बराबरको वैदेशिक ऋण सम्झौता गरेको छ।

विभिन्न दातृ निकायहरूसँग नेपाल सरकारले विभिन्न परियोजनाका लागि २ खर्ब १५ अर्ब ५४ करोड रूपैयाँको ऋण सम्झौता गरेको हो। 

त्यस्तै, एक वर्षमा सरकारले ५७ अर्ब  रूपैयाँको अनुदान सम्झौता गरेको छ।

ऋण तथा अनुदानसहितको गरी एक वर्षमा २ खर्ब ७३ अर्ब रूपैयाँ सहायता सम्झौता गरेको छ। सबैभन्दा धेरै बहुपक्षीय निकाय विश्व बैंक र एडीबीजस्ता संस्थासँग सम्झौता भएको छ।

अर्थ मन्त्रालयको विवरणअनुसार  ऊर्जा, यातायात, सिँचाइलगायतका क्षेत्रमा ऋण तथा अनुदान सम्झौता भएको हो।